គ្មានអូនមិនបាន

*-យប់យន្តត្រជាក់ភ្ញាក់រងា សែននឹកពុំងាជាម្ចាស់ចិត្ត អូនរងាទេមេមាសមិត្ត បងសែនអាណិតគិតដល់ស្រី ។ *-បងគេងតែឯងតែងនឹកដល់ រូបឆោមនិមលរាល់រាត្រី ក្រែងអូនរងាទាររកអី គ្មានអ្នកថ្នមបីបងសែនព្រួយ ។ *-បងចង់នៅក្បែរថែរូបអូន រួមទាំងរូបកូនស្រីតែមួយ ទុកដូចកែវភ្នែកមិនឲ្យព្រួយ ព្រោះអូនជាត្រួយសង្ខារបង ។ *-បាននៅជិតអូនសូន្យអស់ទុក្ខ បារម្ភគ្រប់មុខគ្មានសៅហ្មង បានរីកស្រស់ស្រាយកាយស្រួលផង នួនល្អងបងស្នេហ៍តែជីវា ។ *-ជាតិនេះគ្មានអូនសូន្យជីវិត ដូចយប់ងងឹតជិតនេត្រា បានអូនជាគូនោះរៀមរ៉ា ដូចព្រះសូរិយាចារចែងចាំង